Konstitutsiya-millat ishonchi va himoyasi timsolidir

Joriy yilning 7 dekabr sanasida TTA Urganch filialining katta majlislar zalida O’zbekiston Respublikasi Konstitutsiyasining 24 yilligiga bag’ishlangan “Konstitutsiya-millat ishonchi va himoyasi timsolidir”  mavzusida tadbir bo’lib o’tdi. Tadbir filialning Ma’naviyat va ma’rifat, iqtidorli yoshlar bilan ishlash bo’limi tomonidan tashkillashtirilib, unda filial professor-o’qituvchilari va talabalari ishtirok qilishdi. Filialning Ma’naviyat va ma’rifat ishlari bo’yicha director o’rinbosari K.R.Yakubovning mavzuga doir ma’ruzasi tadbir ishtirokchilari tomonidan iliq kutib olindi. Ayniqsa, Konstitutsiyasining 24 yilligiga bag’ishlangan videorolik  namoyishi va taqdimot ma’ruzasi tadbirning barcha ishtirokchilarida nafaqat qiziqish uyg’otibgina qoldi, balki yoshlarimizda Milliy Komusimizga bo’lgan hurmatni yanada oshirdi, desak mubolag’a bo’lmaydi. Zero, Davlatning ishonchi, obro'-e'tibori, ko'rki uning Konstitutsiyasidir. Biz ham Konstitutsiyamiz tufayli dunyo davlatlari ichida o'z o'rnimizni, nurafshon yo'limizni topdik. Ana shu yo'l bardavom bo'lishi uchun esa, har birimiz ona-Vatanga sodiq, munosib farzand bo'lishimiz zarur.