Deutschland online bookmaker http://artbetting.de/bet365/ 100% Bonus.

TTA Urganch filiali “Talabalar teatr studiyasi” jamoasi omma e’tirofida!

Yoshlik eng pokiza va beg’ubor tuyg’ularni o’zida mujassam etgan betakror fasldir. Unga hamisha jo’shqinlik va tashabbuskorlik, iqtidor va iste’dod hamroh. 2017 yilning 12 – dekabr sanasida 150 dan ziyod tomoshabinni bag’riga olgan Urganch shahridagi Yoshlar markazida TTA Urganch filiali “Talabalar teatr studiyasi” tomonidan namoyish etilgan “Gunoh” spektaklida bu fikrimiz yana bir bor o’z tasdig’ini topdi.

Toshkent tibbiyot akademiyasi Urganch filiali “Ko’zmunchoq” teatr jamoasi tomonidan namoyish etilgan “Gunoh” spektakli tomoshabinlarni befarq qoldirmadi. Spektakl g’oyasi  mahorat ila ochib berilgan. Unda ikki sinfdoshning bir-biriga o’xshamagan taqdir yo’li tasvirlanadi. Ulardan biri Anvar obrazida talabalikning shirin  damlarini behuda o’tkazmasdan faqat ilm olishga, Vatanni himoyalashdek muqaddas burch­ni oldiga maqsad qilib qo’ysa, ikkinchisi Dilshod timsolida hayot sinovlarida to’g’ri yo’ldan adashib, diniy niqob ostidagi buzg’unchi g’oyalarga ko’r-ko’rona ergashib qolgan talabaning achchiq qismati gavdalanadi. Spektaklda yoshlarni har xil g’oyalarga ko’r-ko’rona ergashishdan, o’ylamay bosilgan qadam insonni to’g’rilab bo’lmas xatolar, muammolar girdobiga duchor qilishi, yaxshi yashash ilinjida Vatanni tark etmasdan shu yerda tup qo’yib, palak yozib yashashga da’vat etadigan ibratli voqea­lar ko’p.

Spektakl kuliminatsiyasida diniy aqidaparast, manqurt kimsalarning o’z g’arazli niyatlarini amalga oshirishlari uchun inson qadri chumolichalik ahamiyat kasb etmasligi oshkoralik ila ko’rsatib berilgan.

Spektakl yakunida O’zbekiston yoshlar ittifoqi Xorazm viloyat kengashi raisi Mansur Masharipov, Urganch Davlat universtiteti hamda Toshkent axborot texnologiyalari universiteti Urganch filiali talabalari “Gunoh” spektaklining g’oyasi, TTA UF  talabalarining aktyorlik mahorati borasidagi fikr-mulohazalari bilan o’rtoqlashdilar.

 Toshkent tibbiyot akademiyasi Urganch filiali

Ma’naviyat va ma’rifat bo’limi

“9 dekabr -Xalqaro korrupsiyaga qarshi kurashish kuni” munosabati bilan filialda “Ochiq eshiklar kuni” o‘tkazildi

O‘zbekiston Respublikasi Prezidentining 2017 yil 2 noyabrdagi PQ-3371s-sonli qarori bilan tasdiqlangan “BMTTDning tinch va inklyuziv jamoalar uchun korrupsiyaga qarshi kurashish glabol loyihasi doirasida O‘zbekiston Respublikasida korrupsiyaga qarshi kurashish bo‘yicha siyosat va chora – tadbirlarni qo‘llab – quvvatlash dasturi”ning 12-bandida “9 dekabr – Xalqaro korrupsiyaga qarshi kurashish kuni” munosabati bilan “Ochiq eshiklar kuni” tadbirlarini o‘tkazish vazifasi yuzasidan TTA Urganch filialida “Xalq bilan muloqot va inson manfaatlari yili” Davlat dasturi doirasida hamda O‘zbekiston Respublikasi Oliy va o‘rta maxsus ta’lim vazirligining 2017 yil 6 dekabrdagi  №87-03-3167 - sonli xati ijrosini ta’minlash maqsadida 2017 yilning 13 dekabr sanasida Toshkent tibbiyot akademiyasi Urganch filialida“9-dekabr Xalqaro korrupsiyaga qarshi kurashish kuni” munosabati bilan“Ochiq eshiklar kuni”tadbiri o‘tkazildi.

“Ochiq eshiklar kuni”tadbiri viloyat Adliya boshqarmasi, viloyat prokuraturasi, viloyat Ichki ishlar boshqarmasi hamda OAVlar bilan hamkorlikda o‘tkazildi.

Tadbir oldidan filial faesida huquqiy sohaga doir kitob va risolalar kzrgazmasi tashkil qilindi.

Tadbirda viloyat prokuraturasi 11-bo‘lim boshlig‘i, adliya maslahatchisi B.Jumaniyazov, Xorazm viloyati IIB Yuridik ta’minlash bo‘lim boshlig‘i, R.M.Bobojonov,O‘zbekiston Musulmonlar idorasi Urganch shahar bosh imom-xotibi  X.O.Kenjaev va Urganch tumani FHDYO bo‘limi mudiri M.S.Avezovalar mavzuga doir ma’ruzalar qilishdi. Ma’ruzalarda korrupsiyaga oid huquqbuzarliklarning oldini olish, ularni aniqlash va chek qo‘yish, bunga imkon beruvchi sabablar va shart-sharoitlarni bartaraf etish borasida respublikamizda keng ko‘lamli ishlar amalga oshirilayotganini ta’kidlandi.

Shuningdek, ma’ruzalarda mamlakatimizda inson huquq va manfaatlarini ta’minlash, fuqarolarni turli tajovuzlardan, xususan, odam savdosidan asrashga alohida etibor qaratilayotgani ta’kidlanib, bunday jinoyatlar kelib chiqishining asosiy sabablaridan biri fuqarolar tomonidan engil daromad topish ilinjida noqonuniy xatti-harakatlarning sodir etayotganligi,  qonunbuzarlik holatlarining oldini olishda esa ta’lim muassasalari, oila va  mahallalar bilan aloqalarni yanada kuchaytirish muhim ahamiyatga egaligi aytib o‘tildi.

TTA Urganch filiali

Ma’naviyat va ma’rifat va iqtidorli

yoshlar bilan ishlash bo‘limi

Download Template Joomla 3.0 free theme.

BIZNING MANZIL

Toshkent tibbiyot akademiyasi Urganch filiali 220100,

O'zbekiston, Urganch Al-Xorazmiy ko'chasi 28-uy

Tel: +99862 224 84 84, Email: This email address is being protected from spambots. You need JavaScript enabled to view it.

Ishonch telefoni

Тel: +99(862) 224 83 82 

Har kuni soat 9:00 - 13:00 va 14:00 - 17:00

Shanba kuni soat 9:00 - 13:00  gacha murojaat qilish mumkin.

Copyright © 2016 ТMА Urgench Branch. All Rights Reserved.